2023(e)ko abenduaren 28(a), osteguna

2023-12-22, Gabon Kantak

2023ari agur esateko bildu gara kantuan. Hemen argazkiak:

Irudiaren gainean klik egin argazkiak ikusteko


2023-12-15, Barrikako Elordui Egoitza

Aspaldiko partez ez dugu aukerarik izan bisita egiteko Barrikako Elordui Egoitzan dauden nagusiei. 2023 urte honetan ohitura berreskuratu dugu. Hemen argazkiak:

Irudiaren gainean klik egin argazkien album osoa ikusteko


2023(e)ko azaroaren 29(a), asteazkena

2023-12-06: San Nikolas Eguna

Urtero bezala, San Nikolas ospatzen da Plentziako alde zaharrean, urte honetan datorren asteko asteazkenean izango da.

Hona hemen San Nikolas egunerako prestatu dugun egitaraua:
  • 12:00etan kantujira
  • 15:00etan pintxoak, etorriko zaren ala ez aitortu WhatsApp bitartez (beheko irudia ikusi)
  • 18:30ean dantzaldia Lorratz taldearekin Elizako Plazan (euria eginez gero, B plana dugu)

WhatsApp-eko INFO | Plentzia Kantagune harian erantzun


 

[25] Welcome to beach

Welcome to beach abestia Gozategi taldeak argitaratu zuen 1998an Kalanbreak izeneko diskoan. Hitzak Jon Maia bertsolari eta idazlearenak dira eta kantagaia Zumaia da.

Welcome to beach amodiozko kanta bat da eta kritika sozialik ez zaio falta. Sei ahapalditan banaturik dago, lehen lauetan aspaldiko Zumaia deskribatzen digu poetak, azken bi ahapaldietan eguneko Zumaia turistikoaren irudia azalarazten du Jonek:

WELCOME TO BEACH

    Itsasoa eta errepidearen
    artean dagoen
    lur zatian bizi naiz ni
    itsasoa, lur zatia ez da gutxi.

    Hondarra ondare haitza harri bitxi
    itsasgorak jantzi
    ta itsasbeherak erantzi
    horrela da ez du inork erabaki.

    Ezer eskatu gabe eskeini didazu
    gauero ohea
    mendi bularrak heze ur ezpainak gazi
    nere maitalea.

    Ilargiz ilargi, basati ta birjin
    salneurririk gabe
    bizitzeko ederregi
    zarelako ezin zara libre bizi.

    Erosi zaituzte erreza izan da
    egin dezatela orain
    beren propaganda
    yateak, golfa ta ipuin haundi hori.

    Eta ezpainak margotu ta dotore jantzi
    ta izan barea
    ta erabakiko dute noiz igo ta jeitsi
    behar den marea.

    Ezer eskatu gabe eskeini didazu
    gauero ohea
    mendi bularrak heze, ur ezpainak gazi
    nere maitalea.



Lekua:
Itsas bazterreko leku xumea dirudi, baina...


Deskribapen fisikoa:
...bere txikitasunean balio handiak ditu, eta mareek logika naturalari jarraitzen diote.


Deskribapen emozionala:
Leku honek dena doan ematen dit!


Ederregia:
Leku ederra delako ezin die ihes egin interes ekonomikoei. 


Erosia eta aldatua:
Diruaren indarrak eraldatuko du.



Deskribapen fisiko berria:
Diruak aginduko du. Hiporbele bezala "mareak ez du bere ohiko zikloa jarraituko".


Deskribapen emozionala:
Lekuak, Zumaiak, dena doan ematen digu!



Welcome to beach abestia Jon Maia eta Maddalen Arzallus bikotearen ahotsean

 

[24] Zain nago, zainetan dago

Abesti honen egilea Thierry Biscary (Anhauze-Baxenafarroa, 1976) da. Hainbat taldetan (Hegalka, Kokin, Kalakan…) aritu ondoren, bere lehen bakarkako lana 2018ko apirilean argitaratu zuen kantari baxenafartarrak: Manez eta Kobreak. Manez eta Kobreak diskoan bere ahaide, auzokide, adiskide edo ezagun batzuen bizi parteak kontatzen ditu.

Zain nago, zainetan dago abestiaren mezua ulertzeko nori kantatzen dion jakin beharra dago, Thierryk bere aitari kantatzen dio. Hona hemen hitzak:

ZAIN NAGO, ZAINETAN DAGO   
         Eskutik dit mailia hartu
         hesola lurrean berak sartu.
         Ardura nahi izan du
         bizitza nere ordez gidatu.

         Zain nago, zainetan dago.
         Beste ego bat balego
         zatituago
         nindaike betiko.

         Zor diot hainbat bozkario
         horrenbertze sufrikario
         Halere barkatu diot.
         Zauritik odola baizik ez dario.

         Zain nago, zainetan dago.
         Beste ego bat balego
         zatituago
         nindaike betiko, betiko.
Hitzak eta musika: Thierry Biscary

Zain nago, zainetan dago. Thierry Biscary

2023(e)ko azaroaren 21(a), asteartea

2023-11-24, ostirala, entsegua

[eu] | [es]

Ostiral honetan entsegua izango dugu, Itsaso Arrieta etorriko zaigu laguntzera eta hona hemen hitzordua:
  • Formatua: entsegua (Itsasorekin)  
  • Eguna: azaroaren 24an, ostirala  
  • Ordua: 19:30ean
  • Tokia: Kristo Ermita
Bukatzeko kantujira Plentziatik zehar. 


 

2023(e)ko azaroaren 20(a), astelehena

2023-11-25, Hitzaldia

Galiziatik etorriko zaigun Rafael López Loureiro ikertzaileak emandako hitzaldiaren nondik norakoak:


Anton Garaiko itsasgizonaren etxea Gorlizen gaur egun:


 

2023(e)ko azaroaren 12(a), igandea

2023-11-19, Agurain (autobusa non eta noiz)

Azaroaren 19an Agurainera joango gara. Autobusaren geralekuak hauek izango dira:

PLENTZIA, 8:30
Areatza Hiribidea, 1B
48620 Plentzia, Bizkaia
GPS koordenatuak: 43.405253, -2.949133

SOPELA, 8:45
Akilino Arriola Kalea, 13
48600 Sopela, Bizkaia
GPS koordenatuak: 43.380448, -2.983137

IBARREKOLANDA, 9:00
Ibarrekolanda Kalea, 17
48014 Bilbo, Bizkaia
GPS koordenatuak: 43.273530, -2.954068

Itzulerako gutxi gorabeherako ordutegia: Bilbon 20:00etan eta Plentzian 20:30ean.

2023(e)ko urriaren 31(a), asteartea

2023-11-19, Agurain


Plentzia Kantagunearen XI. urteurrena dela eta, azaroaren 19an (igandea) txangoa egingo dugu. Agurain/Salvatierra eta bere ingurua ezagutuko ditugu. Egitasmoa hauxe da:
  • Irteera:
    • Plentzia, 8:30 
    • Sopela, 8:45 
    • Bilbo, 9:00 
  • 9:40, Altuben geldiune teknikoa
  • 11:00, Alaitza herrian, Jasokundeko Andre Mariaren elizan bisita gidatua
  • 12:00, Aguraingo Alde Historikoari bisita gidatua
  • 13:30, kantupoteoa Aguraingo kaleetan
  • 15:00, bazkaria Dana Ona jatetxean, menua: indabak (edo gula-entsalada) + txerrikia (edo bakailaoa) + postrea + kafea
  • Bazkalostean, kantuak eta dantzak 
  • 19:30, etxerantz abiatu  

Agurain:


Aguraingo Santa Maria plazaren hiru ikuspegi (handiago ikusteko irudien gainean klik egin)



  AUTOBUSEKO  TOKI  GUZTIAK  BETE  DIRA,  ORDAINKETA  GEHIAGORIK  EZ  EGIN  

Ordainketak egiteko kontua:  Kutxabank ES54 2095 0062 10 9116720969
Plentziako Kantagune taldeko bazkide bakoitzeko 25 dira (bidaia, bisita gidatuak  eta bazkaria barne). Plentzia Kantaguneko kideek lehentasuna izango dute azaroaren 7aren arte.

Azaroaren 8tik aurrera Plentziako Kantagune taldeko bazkide ez direnen lagunen izenak onartuko dira, lagun bakoitzeko 25 direlarik (bidaia, bisita gidatuak eta bazkaria barne).

Partaideen zerrenda bat irekiko dugu WhatsApp aplikazioaren INFO-Plentzia Kantagunea harian. Beti bezala, Plentzia Kantaguneko batzordekideren batek eguneratuko du zerrenda hori ordainketak eginak daudela ikusten dituen einean.



  SE  HA  COMPLETADO  EL  AFORO  DEL  AUTOBÚS,  NO  REALIZAR  MÁS  INGRESOS  

Cuenta para los ingresos:  Kutxabank ES54 2095 0062 10 9116720969
Cada socio o socia de Plentziako Kantagune pagará 25 (viaje, visitas guiadas y comida incluidos). Los socios y socias de Plentzia Kantaguneko tendrán preferencia hasta el 7 de noviembre.

A partir del 8 de noviembre se admitirán ingresos de las personas no asociadas a Plentziako Kantagune, cada amigo o amiga ingresará 25 (viaje, visitas guiadas y comida incluidos).
Se abrirá una lista de participantes en el canal INFO-Plentzia Kantagune Taldea de WhatsApp. Como siempre, la persona encargada de actualizar dicha lista será algún miembro de la Comisión de PK que lo irá haciendo a medida de que tenga constancia de los ingresos realizados.

2023(e)ko urriaren 29(a), igandea

2023-11-19, Agurain (bideoa)


Bideoaren ekoizlea Ane Alberdi
 

[23] Ez dute, ezin dute

Ez dute, ezin dute McOnak Taldeari zor diogu. McOnak Taldeak bere hamargarren urteurrena ospatzeko kaleratu duen BITAKORA diskoko abestia. 2020-ko Abenduan, Usurbilen Haritz Harreguy Studio-an grabatua. Hona hemen hitzak:

EZ DUTE, EZIN DUTE   
   Ez, ez dute herri kantari bat isilaraziko.
   Ez, ezin dute, oraindik asko daukagu esateko.
   Ez, ez dute herri kantari bat isilaraziko.
   Ez, ezin dute, oraindik asko daukagu bizitzeko.
   Ez, ez dute herri kantari bat isilaraziko.
   Ez, ezin dute, oraindik asko daukagu abesteko.

Ez dute, ezin dute. McOnak

[22] Agur etxekoanderia

Agur etxekoanderia edo Agur etxeko anderea izeneko abesteia taberna zuloko kanta bat da. Jarraian abestiaren hitzak eskaintzen ditugu, eta horiei dagozkien nolabaiteko itzulpen librea hemen ikus dezakezu:

AGUR ETXEKOANDERIA   
   Agur etxekoanderia, gure diruen jabia,
   berriz ere behar dugu ardoa eta ogia,
   bai eta_ere, arratsian, kartekilan argia.

   Kartak hiru'ta kartak la, kartak eman deraut hau:
   hamahiru izan eta ezin galdu hamalau,
   sakelan tudan diruekin afalduren ez naiz gaur.

   "Utzak jokua burutik partitu gabe mundutik!
   Aditzia badiat baina jokuak adarrak makur tik,
   hik nekez irabaziak ostalerrak juanen tik!"

   Lau arrosa, lau begi, bortz arrosa'ta bortz begi.
   gizon deboxaren haurrak maiz gose edo egarri,
   atalatzean jarri eta haize hotza janari!

   Gure etxean lau ardi, lau ardi zortzi beharri:
   egundaino ez nauk izan orai bezain egarri,
   baso bat arno edan eta oi zer kantaria ni!

   Jozak, soinularia, hire soinu eztia;
   hire soinu ezti horrek emaiten zaitak atsegin,
   bihotzean har bat badiat, ez zakiat zer egin.

   Alegerarik pobria, balenkoniaz betia;
   nahiz eta ikusten dugun miseria gorria,
   bertze munduan guretako zerutako loria!

Agur etxekoanderi. Erramun Martikorena

[21] Amugileen kanta

Amugileen kanta Bizkiako kostaldeko kanta bat da. Jarraian abestiaren hitzak eskaintzen ditugu:

AMUGILEEN KANTA   
   Amogileen zeregina da
   zeriginik astunena,
   beti jarrita mahai zahar batean,
   hasi goizetik gauera.

   Ris-ras lemiagaz,
   din-dan mailuegaz.
    
   Amogileen ofezioa
   ikasi gure dabenak,
   hartu begi laster bere eskuan
   mailu, lima eta burdinak.

   Ris-ras lemiagaz,
   din-dan mailuegaz.
   
   Lemiagaz gorantz eta beherantz
   zorrozten dira burdinak,
   mailu zaharragaz beraren puntak
   amosten diren modura.

   Ris-ras lemiagaz,
   din-dan mailuegaz.
   
   Amogileen ekandua da
   eskuak busti izatea,
   horretarako botatzen dabe
   txistu mordoa eskura.

   Ris-ras lemiagaz,
   din-dan mailuegaz.

Amugileen kanta. Oskorri

2023(e)ko urriaren 23(a), astelehena

2023-10-27, ostirala, entsegua

[eu] | [es]

Hauxe izango da lehen entsegua udaldia eta gero. Itsaso Arrieta etorriko zaigu laguntzera eta hona hemen hitzordua:
  • Formatua: entsegua (Itsasorekin)  
  • Eguna: urriaren 27an, ostirala  
  • Ordua: 19:30ean
  • Tokia: Kristo Ermita
Bukatzeko kantujira Plentziatik zehar. 


 

[20] Ostiraletan duzu

Ostiraletan duzu izeneko amodio kanta Baxenafarroako Amikuze ingurukoa ei da, bai hizkuntzari begira eta bai Garrüze herria aipatzen delako. Ostiraletan duzu kantaren doinua musikalki mazurka bat da eta hauxe da bere partitura:



Jarraian abestiaren hitzak eskaintzen ditugu, eta horiei dagozkien nolabaiteko itzulpen librea hemen ikus dezakezu:

OSTIRALETAN DUZU   
   Ostiraletan duzu Garruzen merkatu:
   Ene maite pollita han nuen kausitu,
   pott bat galdegin neron xapela eskian,
   biga eman zautadan nigarra begian.

   Gero galdegin neron "nigarrez zer duzu?
   Hola xangrinatzeko sujetik ez duzu"
   Arrapostu eman zautan "Zuhaurrek dakizu,
   ene nigar ororen sujeta zira zu"
    
   Hola denaz geroztik ez egin nigarrik,
   ez daite arrosarik elorri gaberik,
   zu hola penaturik urriki baitut nik,
   plazer duzuna duzu eginen nitarik.

Ostiraletan duzu. Txomin Artola & Amaia Zubiria

2023(e)ko irailaren 26(a), asteartea

2023ko udazkeneko egitaraua (aurrerapena)


UDAZKENEKO EGITARAUA AURRERATZEN

Irailaren 16an bildu zen Batzordea eta hartutako erabakien artean, jarraian erakusten den Jarduera-plana erabaki zen:

URRIA
  • 27an Entsegua Itsasorekin eta kantujira

AZAROA
  • 10ean Kantujira
  • 19an Txangoa autobusean Agurain ezagutzera
  • 24an Entsegua Itsasorekin eta kantujira

ABENDUA
  • 6an San Nikolas: kantujira eguerdian, luntx-a eta dantzaldia Lorratz taldearekin (Idoia, Miren eta Roberto Etxebarria)
  • 15ean Gabon Kantuen entsegua
  • 22an Gabon Kantak

2023-09-09, Kantuzale Eguna (argazkiak)


Klik egin irudiaren gainean argazkiak ikusteko

2023(e)ko irailaren 6(a), asteazkena

2023-09-09, Kantuzale Eguna

 

Fermin Balentzia gurekin dela Maravillas Lamberto Yoldiri omenaldia egingo diogu. Hori dela eta, egun horretarako Maravillas izeneko kanta ezagunaren euskal bertsioa plazaratuko dugu: 

MARAVILLAS   
        Gauez sartu ziran
        garrasi batean
        oldar urdinean
        herioa aidean

        Aitarekin zinen
        atera bidean
        bertan hil zintuzten
        gaztaro betean.

        Maravillas, Maravillas
        Oi Larragako enara
        hegan jarraituko zaitut
        zu nora eta ni hara.

        Monreal, Otsoportillo,
        Sartaguda, Santacara,
        lore errepublikarrak
        bide ertzean ereitera.

        Kalez kale joango gara
        garbileku plazetara
        hego motzeko usoak
        airez denak askatzera

        Heriotzak ez baitzuen
        zure argia itzali
        ez eta ahazturarekin
        zure arima estali ez
        eta ahazturarekin
        zure arima estali

        Maravillas Maravillas
        Oi Larragako enara
        hegan jarraituko zaitut
        zu nora eta ni hara

        Lara lara la la…

        Maravillas Maravillas
        Oi Larragako enara
        hegan jarraituko zaitut
        zu nora eta ni hara
Hitzak: Fermin Balentzia Mendia
Euskal bertsioa: Jokin de Pedro

Hona hemen bideoaren esteka
 

2023(e)ko maiatzaren 25(a), osteguna

2023-05-26, ostirala, entsegua

[eu] | [es]

Udaldia baino lehen, azken entsegua izango da biharkoa. Itsaso Arrieta etorriko zaigu laguntzera eta hona hemen hitzordua:
  • Formatua: entsegua (Itsasorekin)  
  • Eguna: maiatzaren 26an, ostirala  
  • Ordua: 19:30ean
  • Tokia: Kristo Ermita
Bukatzeko kantujira Plentziatik zehar. 


 

2023(e)ko martxoaren 22(a), asteazkena

2023-03-24, ostirala, entsegua

[eu] | [es]

Dakigunez hilean birritan elkartuko gara, egun batean kantujira egiteko eta beste egunean entsegua gehi kantujira egiteko. Entsegua egingo dugun hilearen egun horretan Itsaso Arrieta etorriko zaigu.

Hona hemen hitzordua:
  • Formatua: entsegua (Itsasorekin)  
  • Eguna: martxoaren 24an, ostirala  
  • Ordua: 19:30ean
  • Tokia: Kristo Ermita
Bukatzeko kantujira Plentziatik zehar. 


 

2023(e)ko otsailaren 21(a), asteartea

2023-03-18, Sopelako kantujira

KANTUZALEEN TOPAKETA

Sopela Kantariko gure lagunek topaketa bat antolatu dute Errenteriako Kantagunearekin eta gonbidatuta gaude. Hauxe da topaketaren data eta egitaraua:

Eguna: martxoaren 18a (larunbata)

  • Kantujiraren hasiera
    • Ordua: 12etan
    • Lekua: Elizpe eta Egarri tabernak
  • Bazkaria
    • Ordua: 14:30etan
    • Lekua: Artadi Garagardotegia
Jarraian kantujirari buruzkoeta bazkariari buruzko informazio osagarria:
Kantak, ibilbidea eta ordutegia

Garagardotegiko bazkariaren informazioa

Sopelakoen gonbidapena eskertzen dugu eta zerrenda bat irekiko dugu WhatsApp aplikazioaren INFO-Plentzia Kantagune delako gunean. Une honetan ez da dirurik sartu behar, eskatzen diguten formaltasun bakarra da izena ematea.

2023(e)ko otsailaren 16(a), osteguna

[19] Begi-urdin

BEGI-URDIN   
      Begi-urdin, bilo hori zoragarria;
      gorputz tiki, gerri pollit, paregabea.
      Elhurra bezain xuri da zure larrua,
      arrosa bezain gorri begi bitartea;
      zoraturik deraukazu mundu guzia.
      Ez ote zait zilhegi zuri erraitea?

     —Jinen niza, bai ala ez, zure ikustera?    
     —Bai jiten ahal zira hunat, ene maitea.
     —Zurekin nahi nuke eraman bizia,
      nere izerdiz egin zuretzat ogia.
     —Zatoz fite, leia zite, zu zaitut nere;
      nihola ere ni ez nauke zu ikusi gabe.
Hitzak: Banka herrian jasoa 

Alex Sardui: Begi-urdin

Begi-urdin kanta hau bilduta dago Urte-sasoiak izeneko bilduman. Urte-sasoiak bildumaren xedea Euskal Herrian urtearen ziklo tradizionalari lotuta erabili izan diren eta bizirik dirauen ohitura-sorta plazaratzea da.

 

2023(e)ko otsailaren 15(a), asteazkena

[18] Nork erraiten du

NORK ERRAITEN DU   
      Nork erraiten du ni ez naizela
      ostatuetan ibiltzen?
      Bai ibiltzen, edaten, mozkortzen
      hirugarren egunian erretiratzen.

      Zer erraiten dute etxekoek
      hirugarren egunian:
      Ai deboxa, panpoxa, ordia;
      orai duka erretira tenoria.

      Ixil-ixilik egondu nintzen
      buru begiak apalik.
      Ai banu nik, dirurik, lagunik
      berriro ere joanen nindaike gogotik.    
Hitzak: Tradizionala 

Mikel Markez: Nork erraiten du

Nork erraiten du kanta Mikel Markez-en HIRI HARTAN IZAN ZEN (2011 - Elkar) diskoan agertu zen.

 

2023(e)ko otsailaren 7(a), asteartea

2023-02-10, ostirala, entsegua

[eu] | [es]

Dakigunez hilean birritan elkartuko gara, egun batean kantujira egiteko eta beste egunean entsegua gehi kantujira egiteko. Entsegua egingo dugun hilearen egun horretan Itsaso Arrieta etorriko zaigu.

Hona hemen hitzordua:
  • Formatua: entsegua (Itsasorekin)  
  • Eguna: otsailaren 10ean, ostirala  
  • Ordua: 19:30ean
  • Tokia: Kristo Ermita
Bukatzeko kantujira Plentziatik zehar. 


 

2023(e)ko otsailaren 3(a), ostirala

2023-03-10, Batzar Orokorra

Kaixo lagunok:

Mezu honen bidez BAZKIDEEN BATZAR OROKORRA egitera deia luzatzen dugu. Plentzia Kantagune taldearen OHIKO BATZAR OROKORRA ospatuko dugu 2023ko Martxoak 10, ostiralean. Kristo Baselizan izango da, lehen deialdia 19:00etan delarik eta bigarrena 19:30etan.  
Hona hemen jorratuko den gai-zerrenda:
  1. Aurreko batzarreko aktaren irakurketa
  2. Pasa diren azken urteetako Jardueretako Balantzea eta aurtengorako Jardueretako Proposamena
  3. Pasa diren azken urteetako Balantze Ekonomikoa eta aurtengo Aurrekontua
  4. Zuzendaritza-Batzordea berriztatzea
  5. Norberak lekarkeena (eskaerak eta galderak)
Estatutoek diotenez, beste bazkide batek ordezka dezake zuen botoa. Aukera hori erabiltzeko, idatz ezazu gure helbidera (pk@plentziakantagune.eus) gutxienez 2 ordu batzarra ospatu baino lehenago, edo bestela WhatsApp bitartez baita ere 2 ordu batzarra ospatu baino lehenago. Gogoratu batzarrean bozkatu ahal izateko 2023ko kuota ordaindurik egon behar dela. Guztiok parte hartzera gonbidatzen zaituztegu.

Agur bero bat

PK BATZORDEA



Hola amigos,

Mediante este mensaje, se convoca la ASAMBLEA GENERAL DE ASOCIADOS:
Asamblea General Ordinaria de PLENTZIA KANTAGUNE, el viernes 10 de Marzo de 2023. La primera convocatoria a las 19:00h y la segunda a las 19:30h, en la Ermita del Cristo.

El orden del día es:
  1. Lectura del Acta de la Asamblea anterior
  2. Balance de Actividades de los años anteriores y Propuesta del año en curso
  3. Balance Económico de los años anteriores y Presupuesto año en curso
  4. Renovación de la Junta Directiva
  5. Otros (Ruegos y preguntas)
Estatutariamente, hay posibilidad de delegar la representación en otro/a asociado/a, para lo cual deberá comunicarlo escribiendo a nuestra dirección (pk@plentziakantagune.eus) al menos 2 horas antes de celebrar la asamblea, o mediante WhatsApp también 2 horas antes de celebrar la asamblea3 Recordad que para poder votar en la asamblea se debe estar al corriente del pago de cuota del 2023. Os animamos a participar.

Saludos

PK BATZORDEA

2023ko kuota

Aupa!

Urtea hastearekin batera kuota ordaintzeko unea heldu da. Batzar Nagusian bozkatu ahal izateko 2023ko ordainketa eginda egon beharko da.

Gogora ezazu Plentzia Kantagune Taldeak kontu bakarra duela diru sarrerak jasotzeko:
  • Kutxabank: ES54 - 2095 0062 10 9116720969  
Elkartearen urteko kuotaren zenbatekoa ez dugu aldatu (10€ bazkide bakoitzeko). Dataren muga BAZKIDEEN BATZAR OROKORRAREN eguna izango da.

Oso garrantzitsua, zer egin behar den eta zer ez den egin behar:
  • BAI EGIN, ordainketa burutzean ordaintzailea identifikatu eta kuota idatzi, adibidez honelaxe:
    • Martin kuota
    • Maria eta Ander kuotak
  • EZ EGIN, ordainketa burutu ondoren ez bidali WhatsApp mezurik:
    • Ez INFO-Plentzia Kantagune kanalera
    • Ezta PK-Txoko kanalera
    • Eta gutxiago Gotzon Elizondo kanalera
Arazorik edo zailtasunik izanez gero, kontaktuak jarri Gotzon Elizondo diruzainarekin.

Ondo ibili,

Plentziako Kantagunearen Batzordea




Aupa!

Con el comienzo del año ha llegado el momento de pagar la cuota. Para poder votar en la Asamblea General es necesario haber abonado la cuota del año 2023.

Recuerda que Plentzia Kantagune Taldea dispone de una única cuenta para recibir pagos:
  • Kutxabank: ES54 - 2095 0062 10 9116720969   
No hemos modificado la cuantía de la cuota anual (son 10€ por cada persona asociada). Respecto a la fecha límite para el pago, haremos coincidir con la fecha de la ASAMBLEA GENERAL DE ASOCIADOS.

Muy importante, qué sí se debe hacer y qué no se debe hacer:
  • SÍ HACER, incluir vuestro nombre al hacer el ingreso y escribir cuota, por ejemplo:
    • Martin cuota
    • Martin y Maria cuotas
  • NO HACER, tras realizar el pago no envíes ningún mensaje de WhatsApp:
    • Ni al canal INFO-Plentzia Kantagune
    • Ni tampoco al canal PK-TXOKO
    • Y menos al usuario Gotzon Elizondo
En caso de que tengas alguna dificultad o problema ponte en contacto con el tesorero Gotzon Elizondo.

Ondo ibili,

Plentziako Kantagunearen Batzordea

2023(e)ko urtarrilaren 24(a), asteartea

2023-01-27, ostirala, entsegua

[eu] | [es]

Dakigunez hilean birritan elkartuko gara, egun batean kantujira egiteko eta beste egunean entsegua gehi kantujira egiteko. Entsegua egingo dugun hilearen egun horretan Itsaso Arrieta etorriko zaigu.

Hona hemen hitzordua:
  • Formatua: entsegua (Itsasorekin) 
  • Eguna: urtarrilaren 27an, ostirala 
  • Ordua: 19:30ean
  • Tokia: Kristo Ermita
Bukatzeko kantujira Plentziatik zehar. 


 

2023(e)ko urtarrilaren 19(a), osteguna

2023-01-28, Astigarraga-Hernani (autobusa non eta noiz)

Urtarrilaren 28an Astigarragara eta Hernanira joango gara. Autobusaren geralekuak hauek izango dira:

PLENTZIA, 8:45
Areatza Hiribidea, 1B
48620 Plentzia, Bizkaia
GPS koordenatuak: 43.405253, -2.949133

SOPELA, 9:00
Akilino Arriola Kalea, 13
48600 Sopela, Bizkaia
GPS koordenatuak: 43.380448, -2.983137

IBARREKOLANDA, 9:30
Ibarrekolanda Kalea, 17
48014 Bilbo, Bizkaia
GPS koordenatuak: 43.273530, -2.954068

Itzulerako gutxi gorabeherako ordutegia: Bilbon 20:15etan eta Plentzian 20:45etan.