2021(e)ko azaroaren 28(a), igandea

2021-12-06, San Nikolas

[eu] | [es]

Aurreko urteetan bezala, San Nikolas ospatzen da Plentziako alde zaharrean. Gure taldeak bi eginkizun hauetan parte hartuko du.
Nikolas Deunari lore eskaintza eta ohorezko aurreskua:
  • Eguna: abenduaren 6an, astelehena 
  • Ordua: 12:30etan
  • Tokia: zubi ondoko Plazatxoa izeneko plaza
  • Jarduera: EinGO taldeari harrera egin ete Barrenkalera joan San Nikolas irudiaren azpian San Nikolas Txikia kantatzera, ondoren kantujira.
Bazkaria Kai-Eder jatetxean eta eguna bukatzeko dantzaldia izango dugu Patxi eta Konpainia taldearekin:
  • Eguna: abenduaren 6an, astelehena 
  • Ordua: 18:00etan
  • Tokia: Elizako Plaza (euria balitz Jai-Alai frontoia)
  • Jarduera: dantza-plaza herrikoia

Patxi eta Konpainia taldearekin egingo dugun dantzaldia prestatuko dugu. Dantzan hasi berriak diren kantukideentzat zuzendutako ekimena da:
  • Eguna: abenduaren 4an, larunbata 
  • Ordua: 12:00etan
  • Tokia: Kristo Ermita
  • Jarduera: dantza errazak gogoratuko ditugu (jauzi, eskotix, mazurka, balsa, polka, bourrée, branle, kontradantzak, e.a.). Izena emateko klik egin hemen eta datu-orria bete










2021(e)ko azaroaren 27(a), larunbata

2021-12-06, San Nikolas Patxi eta Konpaniarekin

EinGO taldearekin batera egindako eguerdiko kantujiraren ondoren, bazkaltzera joango gara. Eguna ez da hor bukatzen eta arratsalderako dantzaldia prestatu dugu Patxi eta Konpania taldeko lagunekin.


 

2021-12-06, San Nikolas EinGO taldearekin

Santa Zezilia musikaren zaindariaren eguna ezin izan genuen ospatu EinGO taldearekin eta kantujira hura San Nikolas egunera igaroko dugu. Zubi ondoko Plazatxoa lekutik hasita (hitzordua 12 t'erdietan da), ibilbidea ondoko hau izango da:


Eguerdiko kantujiraren ondoren bazkaria eta arratsaldean dantzaldia

2021(e)ko azaroaren 10(a), asteazkena

2021-11-12, ostirala, entsegua

[eu] | [es]

Begiak atzera botatzen baditugu gure azken entsegu eta kantujira presentzialak 2020-02-14an izan ziren, ordutik hona 14 entsegu birtual egiteaz gain hitzordu bakan batzuk izan ditugu ere. Baina, oraingoan ohiko bidea hartuko dugu eta aurrez aurreko ekitaldiak berreskuratuko ditugu.

Hurrengo saioa eta kantujira datorren ostiralean izango dira. Hauxe duzu deialdia:
  • Eguna: azaroaren 12an, ostirala 
  • Ordua: 19:30ean
  • Tokia: Kristo Ermita
  • Jarduera:
    • Goraka Aginaga etorriko zaigu eta kanturako aholkuak emango dizkigu (nola arnasa hartu eta nola ahotsa berotu eta jarri).
    • Zurekin batera (En Tol Sarmiento) landuko dugu, dakizuenez abesti hau pandemian sortu zen eta elkarrekin batzeari kantatzen dio.
Bukatzeko kantujira Plentziatik zehar.




Zurekin batera (ahotsbakoa edo instrumentala)


Zurekin batera (En Tol Sarmiento)


                   ZUREKIN BATERA
                 (En Tol Sarmiento)

Zenbat aldiz marraztuko nuke zure besoetan etorkizuna.
Zenbat aldiz aurkituko nuke zure usainaren oroitzapena.
Zenbat aldiz itxarongo nuke aurrez aurre egoteko hitzordua.
Egunak hobeak baitira zurekin batera.

Zenbat aldiz emango nizuke kafe bat hartzeko dudan denbora.
Zenbat aldiz asmatuko nuke zurekin egoteko aitzaki bat.
Zenbat aldiz entzungo nituzke zure ahotik gure istorioak.
Egunak hobeak baitira zurekin batera.

Ta elkartuko gara berriro, gure betiko lekuetan,
zabalduko ditugu besoak, besarkatuz gure arimak.
Ta amestuko dugu gauean, oraindik gelditzen zaiguna.
Egunak hobeak baitira zurekin batera, zurekin batera.

Zenbat aldiz ospatuko nuke behar dudanean zu hor zaudela.
Zenbat aldiz ulertuko nuke zure begiradetan aholku bat.
Zenbat aldiz esango nizuke besterik gabe maite zaitudala.
Egunak hobeak baitira zurekin batera.