2016-10-07, Plentzia uriaren fundazioaren 717. urteurrena

Duela 717 urte Plentzia uria fundatu zen, horren haritik Plentzia Kantaguneko kideok ikuskizun bat prestatu dugu non antzekia, kantua eta dantza uztartuko ditugun. Antzeztuko dugun obra Toti Martinez de Lezea idazlearen La Partera de Gaminiz ipuin laburrean oinarrituta dago (Mareas izeneko liburuan argitaratu zen 2012an). Hemen duzue dagokion gonbidapena:

• Eguna: urriaren 7an, ostirala
• Ordua: 20:00etan
• Tokia: Elizako Plazan

Antzezlanaren nondik norakoak jakin nahi badituzu irakur ezazu informazio-orri hau:

Informazio-orria jasotzeko irudiaren gainean klikatu edo esteka hau jarraitu

Antzezlanaren zuzendaria (Getari Erxegarai) eta antzezlanaren koordinazio lanak burutzen dituena (Ion Azpiazu) irratira joan dira, eskerrik asko Onda Vasca. Hauek dira haien adierazpenak:

2016-10-01ean Euskal Jaia Gernikan

2016-09-03, Zirgariak Plentzian

2016-09-02an VII. Plentzia Kantari

Plentzia Kantari eguna badator. Zazpigarren ekitaldi honen egitarauak bi zati izango ditu. Batetik, kalejira bat egingo dugu arratsaldeko 8etan Plentziako Zubitik hasita. Ondoren, kalejira Eliza Enparantzan bukatu ostean, Zango Taldea lagunekin batera dantzan arituko gara gaueko 10:15etan hasita. Gogoratu ondoko hitzordua daukagula: Eguna: irailaren 2an, ostirala  Ordua: 20:00etan Tokia: Plazatxoa (Zubiko Plaza, Piruli deitzen duguna) Hona hemen ibilbidearen mapa. Zenbakien gainean sakatzean, pausagune bakoitzan kantatuko ditugun abestien izenburuak ikusiko dituzu: Ikusi VII. Plentzia Kantariren ibilbidea mapa handiago batean Hauxe da erabiliko dugun kantutegia: Kantutegia eskuratzeko irudiaren gainean klik egin